DAVAO CITY- Padayong giimbestigahan sa kapulisan sa Mati Police Station ang carnapping incident nga nahitabo mismo sa Mati City Hall sa Davao Oriental.
Nanawagan sab ang tag-iya sa motor nga giilang si Rolly Joe Estimado kabahin sa maong nahitabo. Sumala sa biktima, banda alas 7:30 sa gabii iyang gi-park ang motor sa likod nga bahin nga parking lot sa City hall sa Mati arun mukaon sa duol nga kan-anan apan pagbalik niini mga banda alas 9 sa susamang gabii, dakong katingala niya nga ang iyang motor nga gipark wala na sa lugar.
Nasubo pag-ayo ang biktima sa carnapping sanglit aduna matud pay Sentimental Value kaniya ug sa iyang amahan ang maong motorsiklo. Panawagan niini nga kung adunay nakasaksi sa maong pang hitabo, i-report gilayon sa buhatan sa kapulisan.
