DAVAO CITY – Giila nga usa ka maayong tawo ang cameraman Raymund Faciol, 28 anyos, nga gipusil ug gipatay sa armado.
Bisan ang pahayag nga agent kini sa investment scheme hugtanon nga gipanghimakak sa mga higala ug kaila niini.
Nakapanamilit pa sa iyang social media account sa iyang mga kahiglaan ang biktima saw ala pa kini mapatay sa pagpamusil sa wala pa maila nga suspek gumikan kay nahuman na ang pagpanarbaho niini sa TV Station sa kagamhanan.
Awhag sa mga higala ug kabanay ni Faciol nga maka-angkon ug hustisya ang kamatayon niini.
Nasayran sa Tgum City Police Station nga daan na nga dunay hulga sa kinabuhi ang gipusil-patay nga cameraman.
Sumala pa kang Tagum City Police Station spokesperson Police Capt. Anjanette Tirador ginasuta na karon ang mga text message sa cellphone sa biktima aron nga makakuha ug lead sa pagpusil patay sa biktima.
