DAVAO CITY- Nagpaguwa na og opisyal nga calendar of activities ang lokal nga panggamhanan sa dakbayan alang sa umalabot nga 39th Kadawayan Festival karong tuiga.
Nagkadaiyang mga pasundayag og aktibidad ang nagpaabot sa katawhan kalakip na niini ang Kadayawan Agri- Fair nga ipahitabo gikan Agusto 1 hangtod 31 sa Magsaysay Park, Kadayawan Misa Pasasalamat sa Agusto 7 sa San Pedro Cathedral, pag-abli sa nahisgutang event sa Agusto 8, Gwapa Dabawenya Fun Run sa Agusto 9 ug daghanan pa.
Highlight sad sa maong event mao ang Indak-Indak sa Kadayawan kon diin P1.1M ang premyo nga madawatan sa Grand Winner.
Una nang gikabutyag nga mukabat sa kapin P5M ang kantidad sa mga papremyong ipang-apod-apod sa maong event diin P500K ang premyo nga madawatan sa ikaduhang pwesto, P400K sa ikatulo, 300K sa ika-upat, ug P200k alang sa ikalimang pwesto.
Ning kasamtangan padayon ang ginahimong pagpangandam sa mga hingtungdang ahensya alang sa umalabot nga selebrasyon sunod bulan.
Usa sab sa ginapangandaman karon mao ang pagseguro sa seguridad nga ginalaumang pagatambungan sa daghanang bisita.
