Calamity fund sa Caraga magamit na human gipailalom sa state of calamity

DAVAO CITY – Magamit na sa lokal nga kagamhanan sa lungsod sa caraga  ang 5% nga calamity fund.

Kini human nga napailawom na sa state of calamity ang lungsod tungod sa diarrhea  outreak.

Kahibaluan nga bag-uhay lang naaprobahan sa sangguniang bayan sa caraga ang resolusyon nga ang tibuok lungsod gipailawom sa state of calamity.

Nasayran nga dul-an na sa 600 ka mga biktima, ug unom ang patay sa diarrhea nga ang uban naa lang sa panimalay giatiman sa mga health workers gumikan sa kadaghan.

Ang health office nga giabagan sa provincial health personnel nagmugna ug temporary treatment facility nga naa sulod  sa covered  court.