Gikataw-an sa mga netizen, ang usa sumala pa ka panghitabo nga nag-viral sa social media, labot sa mga magbarkada nga perting lingawa sa ilahang gibuhat nga outing.
Subay sa maong video nga paspas mikatag online, makita niini nga hilabihang nalingaw ang mga pundok sa mga kababayen-an nga nagpapicture ngadto duol sa baybay sa kadagatan kung diin asa sila nagpahigayon sa ilahang outing.
Makita sab nga daw normal lamang ang panghitabo nga walay angay kabalak-an.
Apan, luyo sa ilahang nasinating kalipay, sa wala damha nga ang ilahang gibilin nga usa ka cake ngadto sa ilahang gi mugna unta nga picnic style, gilampornas sa usa ka baka!
Ang maong uploader sa video, igo na lamang sa paghagikhik sa pagkatawa, gumikan wala kini kasabot og masuko ba kini o dili, gumikan sa hitsura pa lamang daan sa maong baka, daw nga gilamian kini sa gilampurnas niining keyk ug nagpanilap pa, diin makita pa ang icing sa cake nga namilit sa ilong niini.
Igo na lamang sa pag-abog ang maong indibidwal sa baka, ug naglibog kini og unsaon kini niya og pagpasabot ngadto sa mga kababayen-an nga gikaon na sa baka ang ilahang cake nga gidala unta alang sa ilahang salo-salo sa outing.
