DAVAO CITY – Mag-atubang ug kasong illegal possession of firearms and ammunitions ang usa ka cafgu human nga makuha sa iyang posisyon ang mga armas nga iyang gipangtinda.
Una ng giila ni PMaj. Milgrace Cajes Driz, Team leader ug acting Regional Deputy Chief sa Criminal Investigation and Detection Group (CIDG) XI ang suspek nga si Jan James Andres, 40 anyos, minyo, residente sa Buhangin ug nadestino sa Task Force Davao isip Cafgu Active Auxiliary (CAA) II.
Una ng nagpahigayon ug entrapment operation ang otoridad ug positibo nga nakuha sa iyang posisyon ang nagkadaiyang klase sa mga bala, usa ka .45 kalibre sa armas ug boodle money nga gigamit sa transaksiyon.
Anaa na karon sa kustodiya sa Santa Ana Police Station ang sundalo ug ang mga nakumpiskang armas ug bala nga gamiton isip ebidensiya sa iduso nga kaso.
Samtang sa ekslusibong pakighinabi sa Bomboradyo kang Andres, hugtanong gipanghimakak niini nga namaligya siya ug armas inay usa ka pulis Sherwin Gasta nga nadestino sa Buhangin ang mihangyo sumala pa kaniya nga ipabaligya ang maong mga bala gumikan kay aduna sumala pay sakit ang amahan sa maong pulis.
