DAVAO CITY – Gipasalig sa City Anti-Drug Abuse Council (Cadac) nga ipadayon nila ang monitoring kalabot sa gipagulang mandato sa mga private establishments nga Drug-Free Workplace (DFW) program in Davao City.
Sumala pa kang Ronald Rivera, technical adviser sa Cadac, nga himuon nila ang nahisgutan nga lakang human nga nagmalampuson karon ang siyudad sa pagkab-ot sa herd immunity alang sa first dose sa anti-Covid-19 vaccination.
Kahinumduman nga ang Drug-Free Workplace Program and mandatory drug testing ang ginatanyag sa lokal nga kagamhanan ngadto sa mga business establishments nga adunay kapin 10 ka mga empleyado nga rekisitos alang sa business permit renewal.
Kahinumduman nga una ng nag-isyu ang lokal nga kagamhanan ug advisory nga nanawagan ngadto sa mga pribadong sektor ingon man nanag-iya ug negosyo dinhi sa siyudad nga motamud sa City Ordinance No. 0506-13 ug Executive Order No. 32 Series of 2018 sa Implementing Rules and Regulations (IRR) kalabot sa “Drug-Free Workplace Program and the Conduct Of Mandatory Random Drug Testing” ayha tugtan nga maka-renew ug business permits ang mga establisyemento.
Gitataw sab sa opisyal nga ila sab nga ipadayon ang drug-free workplace sa city hall employees.
