DAVAO CITY – Mas gi-istrikto pa sa Civil Aviation Authority of the Philippine (CAAP) Davao ang screening procedure sa mga pasahero sa Davao International Airport human sa insidente diin dunay usa ka vlogger ang nakaipsot ug nakasakay sa eroplano gamit ang usa ka peke nga identification card.
Sumala kang CAAP Davao manager Rex Obcena, ilang gidugangan ang layer of security nga gipatuman sa pagsusi sa boarding pass, valid boarding pass ug governmetn ID sa mga pasahero nga padulong musakay og erokplano.
Gipatuman ang intensified security measure sa 2nd floor padung sa boarding pass sa Davao International Airport. Kahinumdumang nakaipsot sa Police Aviation Security Unit ang usa ka vlogger human kini nga nigamit og peke nga Identification Card sa usa ka Airline Companay hinungdan nga nakasulod kini sa Airport ug nakasakay pa sa eroplano.
Pagsulod matod pa sa eroplano didto na nianunsyo ang nahisgutan nga dili siya pasahero nga nagresulta sa pagka delayed sa flight. Nasayran nga walay ticket ug boarding pass ang maong vlogger kinsa nag-atubang karon og kasong paglapas sa falsification by private individual and use of falsified documents ilawom sa Article 172 of the Revised Penal Code.
