Gina-awhag sa taga Civil Aviation Authority of the Philippines (Caap)-Davao ang mga saksi ug mga mahimong biktima sa mga masinupakong mga taxi drivers nga anaa ga muntar sa Davao International Airport nga mamahimong ireport gilayon kini sa otoridad.
Sumala pa aduna gihapon madawatan nga mga taho mahitungod sa mga taxi drivers nga padayon gihapon sa pagpabadlong ug nagabuhat ug mga iregularidad, bisan pa man aduna nay mga strikto nga mga alakang sa pagdili niini.
Mahitungod usab sa mga reklamo nga madawatan ngadto sa hingtungdang ahensya nga mga iligal nga mga binuhatan sa mga taxi drivers, gilayon usab kining ginapaabot ngadto sa kauluhan.
Maong subling gapahimangno ang CAAP-Dava nga kinahanglan nga ireport gilayon ang mga bisan unsa man nga mga anumalya nga ginabuhat sa mga badlungon nga mga taxi driver.
Kahinumduman, una na usab kining nakakuha ug atensyon sa publiko, sa dihang gi-call out ni Senator Ronald “Bato” dela Rosa ang mahitungod sa mga taxi drivers nga nagapangontrata ug nagmugna usab ngadto sa usa ka taxi operator sa dakbayan sa Davao nga nag public apology.
