Patay ang usa ka 29-anyos nga babae human nga gipusil sa duha ka mga wala mailhing suspetsado pasado ala sais sa buntag.
Subay sa report sa kapulisan, nahitabo ang pagpamusil sa diversion road padulong sa Sulop National High School (SNHS) Purok 7, Brgy. Población sa Sulop Davao Del Sur.
Giila ang biktima nga si Mary joy Hepega Suarez, minyu ug usa ka Banana buyer checker nga residente sa P-1 Barangay McKinley, sa nasampit nga lugar.
Subay sa inisyal nga imbistigasyon, nga ang biktima sa iyahang anak nga lalaki sa Sulop National High School (SNHS) sakay sa pula nga Honda motorcycle, samtang ang diha ka mga wala mailhing suspek ang nagsunod sumala ug nagpaabot ngadto kaniya sa nahitabu-an.
Sumala pa sa mga otoridad nga sa pagbalik sa biktima padulong sa ilahang balay adunay duha ka mga suspek ang mibabag kaniya ug usa sa mga suspek ang mipusil sa biktima sa wala nga bahin sa iyahang dalunggan gamit ang .45 nga pistola nga maoy hinungdan sa pagkatumba niini sa iyahang imanehong motor ug miresulta sa iyahang kamatayon.
Human sa panghitabo, sumala pa sa mga nakasaksi dali nga misibat ang mga suspek palayo sa lugar. Samtang kapulisan ang gilayin nga naglusad ug hot pursuit operation.
Sa crime scene narekober ang usa ka basyo sa bala sa .45 pistol, cellphone ug motor sa biktima.
Sa pagkakaron, ginasubay pa sa mga otoridad ang motibo sa krimen ingon man ang pag-ila sa mga suspetsado.
