Labing-unom ka mga tawo ang namatay samtang 18 pa ang nasamdan sa usa ka grabe nga aksidente sa pampasaherong bus sa Indonesia, human kini mabangga sa konkreto nga harang sa main island sa Java, sayo sa buntag kagahpong adlawa.
Sumala sa report sa mga awtoridad, padulong unta sa siyudad sa Yogyakarta ang bus gikan sa Jakarta sa dihang nahitabo ang aksidente sa curved exit sa Krapyak toll road.
Base sa inisyal nga imbestigasyon, sobra ang pagliko sa bus samtang paspas ang dagan niini, hinungdan nga nawad-an og kontrol ang drayber ug nabangga pag-ayo sa konkreto nga harang.
Tungod sa kusog sa impact, pipila ka pasahero ang nalagpot sa gawas sa sakyanan ug naipit sa sulod sa nadaut nga bus.
Unom ka pasahero ang gi-deklara nga patay sa nahitabuan, samtang napulo pa ang gidala sa lain-laing ospital apan sa ulahi nakabsan usab ang kinabuhi tungod sa grabeng kadaut nga ilang nadawat.
Padayon nga ginatambalan ang 18 nga nasamdan, ug pipila kanila anaa sa kritikal nga kahimtang.
Sumala ni Budiono, hepe sa search and rescue team, pila ka minuto ang milabay sa dili pa hingpit nga makaabot sa lugar ang mga pulis ug rescue personnel.
Dali silang nagpatuman sa rescue operation ug naghatag og paunang tambal sa mga biktima, apan wala na’y mahimo alang sa mga pasaherong namatay sa lugar sa insidente.
Samtang nagpadayon ang pag-ayo sa ospital ang drayber sa bus human makadawat og grabeng kadaut.
Gipahibalo sa mga awtoridad nga siya moagi sa drug test ug makuti nga imbestigasyon aron matino kung adunay paglapas ba sa speed limit, pagasagad, o ubang hinungdan nga nakaresulta sa aksidente.
