DAVAO CITY – Gipanubayan karon sa Department of Education 11 ang ubay-ubay na pagsaka sa mga kaso sa bullying sulod sa mga tulunghaan.
Gibutyag ni Jenelito “Dodong” Atillo, tigpamaba sa DepEd XI, nga adunay duha ka polisiya nga ginapasibaw ang ilang buhatan aron mapakgang ang bullying sulod o gawas man sa tulonghaan.
Usa niini mao ang Child Protection Policy series of 2012 diin nagtumong kini nga maprotektahan ang matag estudyante batok sa mga abusadong magtutudlo, ginikanan o bisan si kinsa mang indibidwal.
Sumala ni Atillo, gikuha ang bullying ilawom sa Child Protection Policy tungod gibuhat kining balaod kaniadtong tuig 2013.
Gawas sa buhatan, gihingusgan sab ang maong balaod sa mga principal, mga presidente sa teacher’s club, presidente sa PTA lakip na usab ang barangay councils.
Ilawom sab sa maong balaod, mamahimong makatabang ang DSWD aron makahatag og dugang interbensiyon kon ugaling adunay mahimong biktima.
Dili matud pa matawag nga bullying kung ang magtutudlo ang nanghinaway sa usa ka bata apan makonsidera kining Child Abuse.
via || Bombo HJR
