DAVAO CITY – Gikalipay ni Davao City Mayor Inday Sara Duterte ang matang sa bulak nga bag-o lamang nadiskobre sa Dinagat Island, Surigao del Norte.
Naila kini nga Philippine Hoya Wax Plant nga giila na karon nga Inday Sarae nga nakaplagan sa grupo sa mga Biologist gikan sa University of Mindanao. Nasayran sa Bombo Radyo Davao nga dunay tulo ka mga kolor ang Inday Sarae nga pink, violet ug puti mao nga gikonsidera nga talagsa-on, gumikan kay ang kadaghanan sa Philippine Hoya Wax Plant usa lamang ang kolor.
Sumala pa kang Militon Medina, director sa Institute for Bio-diversity and Environment nga gipangalan nila kay Inday Sara ang tanum gumikan kay adbokasiya sab mayor nga pagprotekta sa kinaiyahan sa Mindanao.
Gikalipay sab ni Mayor Inday Sara sa pagpangalan kaniya sa Inday Sarae gumikn kay hilig sab kini sa bulaklak.
Sa Kasamtangan ang Pilipinas dunay 300 ka mga species sa Philippine Hoya Wax Plant.
