Bugas sa NFA sa Davao Region, taman na lamang karon nga semana

DAVAO CITY – Niining semanaha na nalang taman ang pundo nga bugas sa National Food Authority (NFA) Davao Region.

Bisan pa niini gipahayag sa NFA nga duna pa’y nahabilin nga stand-by stocks nga mokabat ngadto sa kwatro mil ka mga sako.

Gigahin kini alang sa panahon sa emehensya, ug duna sa’y gigahin alang sa Department of Social Welfare and Development (DSWD).

Una nang gipahayag sa NFA nga dili kini angayan nga ikabalaka gumikan kay daghanan pa ang supply sa commercial rice sa mga merkado.

Gihangyo na lamang sa NFA ang mga rice traders nga dili abusohon.

Ang NFA nagpa-abot pa sa rice importation nga mo-abot karong bulan sa Hunyo, ning kasamtangan nga tuig.