Girekomenda sa mga lider sa dagkong partido sa House of Representatives nga ibalik nila ang 2026 National Expenditure Program (NEP) ngadto sa Department of Budget and Management (DBM).
Base sa ilang gihimong pagrepaso sa NEP, nadiskubre sa mga House Leaders ang seryoso ug sistematikong anomalya sa 2026 NEP, ilabi na sa DPWH, DILG, PNP, ug DA.
Matod ni Deputy Speaker ug Antipolo Representative Ronaldo Puno, dili nila masugdan ang deliberasyon kung adunay mga anomalya ug kwestiyonableng budget allocations ang national budget sa 2026.
Gisulti ni Puno nga ang ilang mga nadiskubre naglakip sa:mga flood control projects nga parehas ang kantidad,doble nga appropriations,sobra kadakong lump sum allocations nga alang sa tibuok nasud ilawom sa DPWH,mga report sa unsolicited proposals alang sa bilyones nga kantidad sa mga armas ilawom sa DILG/PNP, ug mga report sa “allocation for sale” scheme sa budget sa DA alang sa farm-to-market roads.
Nanawagan si Puno sa iyang mga kauban sa House nga hunongon una ang pag-apil sa mga budget deliberations hangtod masulbad ang maong isyu.
