Magpahigayon og pagdungog ang Senado kabahin sa dili insaktong paggasto sa budget alang sa flood control.
Matod ni Senator Erwin Tulfo, nagkauyon na ang iyang mga kaubanan sa Senado mahitungod sa maong isyu ug aduna na silay mga giduso nga sugyot nga balaod.
Gihatagan usab niini og pananglitan ang sugyot balaudnon nga giduso ni Senate President Chiz Escudero nga nagdili sa mga opisyal sa gobyerno, mga mambabalaod, ug ilahang mga paryente hangtod sa ika-upat nga lebel sa consanguinity ug affinity nga makakuha og kontrata sa gobyerno.
Samtang, gipamahayag usab ni Senator Panfilo Lacson ang iyang kasubo nga kapin sa P2 trilyon na ang nagasto sa flood control sulod sa miaging 15 ka tuig, apan wala gihapoy klarong kausaban sa mga problema sa pagbaha sa nasud.
