Naghimo og kasikas sa San Pedro Square, Davao City, ang usa ka dakong crocodile cake atol sa “Pray for the Philippines” rally niadtong Dominggo, Setyembre 21, 2025.
Ang maong cake adunay kabug-aton nga 250 kilos ug gitas-on nga 4 ka metros.
Matod sa mga baker, usa ka semana gyud ang ilang gibuhos aron tapuson kini.
“Labor of love gyud ni, pero murag labor of sweat pud kay halos wa mi katulog,” nagpakatawa nga pahayag sa cake artist nga si Hannah Granado.
Apan dili tanan nalipay sa “sweet reptile.” ang uban nimata sa kahadlok kay nagtuo sila nga buaya sa gobyerno ang gisimbolo sa cake.
Sa social media, misulbong ang mga komentaryo.
Usa ka netizen misulti nga kung ang cake mao nay buaya, basin mas lami pa kini itulon kaysa ang mga buayang naandan makita sa politika.
Gipamatuod sa mga organizer nga ang cake dili lang art kundi simbolo sa pagkahiusa ug pag-ampo.
