Nahuman sa ika-13 nga pwesto sa fencing tournament nga gipahigayon sa France, ang lead vocalist sa legendary heavy metal band nga Iron Maiden nga si Bruce Dickinson.
Sukad sa bata pa kini, ang fencing mao ang iyang paborito nga duwa, mao nga nalipay kini nga ika-13 sa kinatibuk-an nga 31 ka players sa kategorya nga beterano sa Circuit Europeen 2025.
Napildi niini ang kanhi Olympic gold medalist nga si Pascal Jolyot.
Ang 66-anyos nga singer nagbansay sa British Olympic fencing squad niadtong 1980.
Gawas sa pagkanta, nanag-iya kini og kaugalingong brewery.
Samtang, piloto usab kini nga nakalupad na og commercial flights sulod sa 7,500 ka oras.
Usa lamang si Dickinson sa mga singer nga mahiligon sa sports, susama sa Latin artist nga si Julio Iglesia nga nagduwa og soccer alang sa Real Madrid ug ang mag-aawit nga si Jack Johnson nga nahimong labing bata nga invitee sa finals Pipeline Masters surfing tournament sa Hawaii sa edad nga 17.
