Britney Spears, gidakop tungod sa pag-drive nga hubog

Gidakop sa mga sakop sa California Highway Patrol ang singer nga si Britney Spears.

Giingong nagmaneho siya samtang lango sa ilimnong makahubog.

Gilayon usab nga gibuhi-an ang singer sayo sa buntag sa Huwebes.

Samtang gimanduan kini nga motambong sa Ventura County Superior Court sa umaabot nga Mayo 4.

Kahinumduman nga niadtong 2007, nakahimo na usab siya og kaso sa misdemeanor charges human sa giingong hit and run sa nakaparada nga sakyanan sa Los Angeles, apan naareglo kini ug nabayran ang mga kadaot.

Nasayran nga nawagtanan usab kini sa iyahang katungod sa custody sa duha ka anak nila ni Kevin Federline tungod sa maong insidente, nga may kalabotan sa sobra nga pag-inom og alkohol ug pagkalulong sa iligal nga substance.