DAVAO CITY- Gidagsa sa daghanang mga ginikanan ang pipila ka tulunghaan ning dakbayan atol sa unang adlaw sa Brigada Eskwela 2024, kagahapon.
Kini ang kabahin sa pagpangandam sa mga eskwelahan sa umalabot nga abre klase karong Hulyo 29, 2024.
Alayon niini, sayo pa lamang sa buntag kagahapon, daghanang mga ginikanan na ang nipartisipar sa maong aktibidad hilabi pa nga naandan na gayud kini nga gimbuhaton aron maseguro nga hapsay ug maayo ang pagskwela sa mga kabataan.
Sumala pa sa usa ka ginikanan nga si Maria Joy Dela Cuesta, nga gawas sa pagpalit sa mga gikinahanglang kagamitan sa mga bata, lakip sab sa iyang ginakabusyhan mao ang pagpartisipar sa brigada eskwela.
Gilaumang modagsa nasab ang mga ginikanan nga wala nakatambong kagahapong adlawa hangtod na sa umalabot nga Hulyo 27, diin gikonserang tapos sa bayanihan sa mga tulunghaan tungod sa pagsugod sa klase sa Hulyo 29.
