DAVAO CITY – Gilaraw sa hepe sa Metropolitan Davao Police District nga si Brigadier General Alexander Tagum nga buhion pagbalik ang iyang gimugnang Oplan Iron City isip public safety program alang sa MDPD.
Ang maong programa, maoy usa ka integrated police patrol system nga magsiguro sa kaluwasan sa dakbayan inubanan sab sa tabang sa ubang police auxillaries.
Unang giimpilementa ang maong kampanya sa iyang pagpangatungdanan isip Davao City Police Office chief kaniadong 2018 hangtud 2020.
Sa paglingkod ni Tagum isip bag-ong hepe sa kapulisan sa Metro Davao, himoon kining “Oplan Iron City Reloaded.”
Gikabutyag sa opisyal nga nahimong epektibo ang maong programa hinungdan sa pag-ubos sa crime rate dinhi sa dakbayan.
Matod pa, mugnaon kini pag-usab tungod usa kini nga tested and proven nga programa nga haum alang sa tibuok Davao Region.
Dugang pa ni Tagum nga isahon ang mga nagkandaiyang balaod nga ginapatumang lungsod sa managlahing bahin sa rehiyon aron masiguro sab ang kaluwasan ug kalinaw sa tibuok Metro Davao.
Subay sa pagmugna sa MDPD kaniadtong Disyembre 17 sa miaging tuig ang pagsugod sa pagpangatundanan ni Tagum isip MDPD director.
Kahinumdumang giaprubahan ni kanhi Pangulong Rodrigo Duterte ang Republic Act 11708 nga magmugna sa Metropolitan Davao Development Authority nga manguna sa pagpatuman sa balaod ug ordinansa sa mga kalungsuran ug kasikbit niining mga munisipalidad ug probinsya sa tibuok Davao Region.
via || Bombo LJF
