Gibutyag ni kanhi Bulacan district assistant engineer Brice Hernandez ang matod pa pagbahin-bahin sa mga engineer sa Department of Public Works and Highways (DPWH) sa gikita sa ghost projects.
Gihimo ni Hernandez ang nahisgutang rebelasyon homan kini gihatagan ug legislative immunity bugti sa pamaagi sa ghost projects sa ilahang distrito sa nagpadayong pagdungog sa Senate Blue Ribbon Committee sa anomalosong flood control projects.
Sa rebelasyon ni Hernandez, gitumbok niini ang iyahang kanhi Boss nga si ex-DPWH Bulacan engineer Henry Alcantara nga adunay 40% nga share gikan sa ilahang kita, samtang tag-20% usab kang engineer Jaypee Mendoza ug engineer Paul Duya.
Gipahayag usab ni Hernandez nga ang pagtaas sa grease money ang usa sa hinungdan kung nganong nakahukom sila nga muhimo ug ghost projects.
Gipahayag pa niini sa iyahang kanhi boss nga si Henry Alcantara, napadulong kuno sa proponent ang nahisgutang suhol.
Samtang sa kabahin usab ni Alcantara, gipanghimakak niini ang nahisgutang mga akusasyon ug blangko usab kini kung si kinsa ang matod pa proponent.
Apan na-cite in contempt si Alcantara gumikan sa iyahang pagpamakak sa ghost projects.
