DAVAO CITY – Hingpit nang gipasakahan ug patong-patong nga kaso si Brgy. Daliaon Plantation Kapitan Generoso Bacalso human nadakpan kagahapong adlawa gumikan sa illegal nga sugal nga sabong-sabong.
Kaganinang buntag giduso ang kaso sa korte pinaagi sa virtual inquest proceedings diin moabot ngadto sa 50 mil ka pesos ang gipahimutang nga piyansa alang sa iyang temporaryong kagawasan lakip na sa lailn pang 7 ka mga sugarol nga nangadakpan.
Nag-atubang si Bacalso ug mga kasong pagsupak sa illegal cockfighting law, ug pagsupak sa health protocols sa syudad sama na lamang sa physical distancing.
Gihimong ebidensya sa kapulisan batok kang kapitan bacalso ang nakompiskang 5 ka buhibg manok nga igsasabong ug lain pang lima ka mga patay nga manok, mga tari ug 2 mil ka pesos nga parade sa sultada.
Sa karon, nagpabilin pa sa kostudiya sa Toril Police station si barangay captain Bacalso.
