DAVAO CITY – Pasakahan ug kasong kalapasan sa Republic Act 9165 kun Comprehensive Dangerous drugs act of 2002 ang usa ka kagawad human kini nasikop sa gilusad nga drug buy bust operation.
Una ng gilusad ang operasyon sa mga personahe sa Philippine Drug Enforcement Agency XI ug kapulisan hinungdan nga malampuson nga nasikop ang suspek nga nailang si Roy Romaguera, 33 anyos, Brgy. Kagawad sa Barangay Maraga-a, Kiblawan, Davao del Sur.
Namaligya ang nahisgutan ug dakong pakete sa ginadili nga druga ngadto sa nagpaka-aron ingnon nga poseur buyer nga sakop sa otoridad bugti sa 1,000 pesos nga buy bust money.
Kalakip sab sa narekober gikan sa iyang posisyon ang laing duruha pa ka pakete sa ginadili nga nga mobalor ug kapin 10 mil pesos.
Dugang na matud pa nga gipanid-an ang nahisgutan ayha gilusad ang pagsikop kaniya.
Hayan nga matangtang sab sa ilang katungdanan ang kagawad gumikan sa pagkalambigit niini sa illegal nga aktibidad.
Gipaslak na karon sa presohan ang suspek ug naghulat na lamang sa mosunod nga kamandoan sa korte.
