DAVAO CITY – Gibutyag ni Dr. Josephine Villafuerte, head sa City Health Office (CHO) nga pabilin sumala pa ang gipatuman karon nga hugtanong pagmonitor sa Barangay 23-C ning dakbayan bisan pa man nga wala na gipatuman ang hard lock down sa lugar.
Kahinumduman nga makita pa gihapon sa maong dapit ang mga tanke sa Task force Davao (TFD).
Istrikto sab sumala pa nga gipatuman sa lugar ang mga sumbanan sa quarantine kini aron masiguro nga mapugngan ang pagsaka sa kaso sa mga nagpositibo.
Una na sab nga gibutyag ni Villafuerte nga aduna pa gihapoy kaso sa covid-19 sa maong Barangay apan sa kasamtangan, house hold na lamang ang ginapatuman o hugtanon nga gimonitor ang usa ka pamilya nga apektado sa balatian.
Malipayon sab ni Villafuerte nga sukad nga gitapos ang hard lock down sa lugar, gipatuman na sab sa maong barangay ang tanan nga mga preventive measures batok covid-19.
