Nagapadayon gihapon ang Davao City Government sa ilang paningkamot sa paghatag og libreng tambal sa mga Dabawenyos pinaagi sa 14 ka “Botika ng Bayan” outlets.
Kini nga mga outlet, nahimutang sa mga district health offices ug uban pang gitudlong mga lugar, nagahatag kini og managlahi nga mga tambal, lakip na ang mga maintenance medicines, antibiotics, ug vitamins.
Sumala pa ni Gemma Pujanes, ang labaw sa Botika ng Bayan, nga sukad sa unang outlet nga na-establisar kaniadtong 2018, karon ang siyudad nag-operate na og 12 pa ka outlets sa nagkadaiyang mga distrito, uban pa ang usa ka branch sa CHO Main.
Dugang pa niini, nga ang mga outlet gidumalaan ug gipangulohan sa mga pharmacists nga siguradohon ang hustong pag-atiman sa mga tambal, nga naga-minus sa kasayang ug naga-maintain og taas nga kalidad.
Gipaklaro usab ni Pujanes nga aron maka-avail og libreng tambal, kinahanglan ipakita sa mga Dabawenyos ang updated nga reseta ug ID sa pasyente.
Ang mga “Botika ng Bayan” outlets abli gikan 8 a.m. hangtod 5 p.m., Lunes hangtod Biyernes.
