DAVAO CITY – Daku ang kalipay sa mga nasunogan ug sa mga nagub-an ug mga balay sa paglapdos sa dagko nga mga balud sa Barangay 8-A ning dakbayan niadtong adlaw nga Sabado gumikan sa hinabang nga nadawat bag-ohay pa lamang gikan kay Senador Bong Go.
Unang gi-adtoan ni Senador Go ang pamilya nga nasunogan sa Barangay 8-A, ning dakbayan diin gihimamat niini ang traynta y dos ka mga pamilya aron nga mahatagan ug tabang panalapi ug food packs.
Nanghatag sab ug food packs ang Department of Social Welfare and development ug ang Department of Health (DOH).
Samtang cash assistance ang gihatag sa National Housing Authority. Ang cash assistance nga mikabat ngadto sa P110 mil ka pesos alang sa mga pamilya nga totally damage ang ilang kabalayan.
Samtang sa Barangay 21-C Gym gi-aporan sab ug tabang ni Senador Bong Go ang gatusan ka mga residente sa mga coastal barangay sa dakbayan sa Davao.
Gawas sa mga food packs gikan sa buhatan Go, DSWD, ug DOH gihatag sab ang financial assistance, nanghatag sab ug mga cellphone si Go ngadto sa mga buntis, sapatos sa mga lalaki, ug misaad kini ug mga bag-o nga mga uniform ug mga school supplies ngadto sa mga estudyante.
