Bokalista sa bandang Jeremiah, nakabsan na sa kinabuhi

Mipanaw na ang bokalista sa bandang Jeremiah nga si Piwee Polintan sa edad nga 47 anyos.

Gikumpirma mismo sa banda ang pagpanaw sa ilang bokalista.

Niadtong Oktubre 23, giataki siya og stroke, ug nagpabilin kini sa ospital sulod sa pipila ka mga adlaw hangtod sa iyang kamatayon.

Si Piwee mao ang orihinal nga miyembro sa grupo nga natukod niadtong 1998. Usa sa ilahang mga gipasikat nga kanta mao ang “Nanghihinayang,” nga nahimong popular sa daghang mga fans.

Niadtong 2007, nataptan siya og Stage 4 tonsil cancer, apan naayo siya human sa operasyon ug chemotherapy.

Niadtong 2011, gideklara siyang cancer-free ug mibalik siya sa pagkanta.