DAVAO CITY – Hayan nga mapasakahan ug kasong illegal possession of firearms ang close in security ni Matanao Davao del Sur Mayor Vicent Fernandez human kini nadakpan sa checkpoint nga gipahigayon sa Task Force Davao (TFD) sa Sirawan Toril ning dakbayan sa Davao.
Una ng gibutyag ni Police Inspector Ronald Lao ang hepe sa Toril PNP nga walay mapakitang dokumento ang dinakpan nga si Jerwel Elentorio nga adunay lisensiya ang iyang gihuptan nga armas hinungdan nga nasikop kini sa otoridad.
Matud pa kang Elentorio nga padulong unta sila dinhi sa dakbayan aron nga sunduon sumala pa si Mayor Fernandez sa airport.
Hinuon mi-angkon ang dinakpan nga expired na ang lisensiya sa iyang .45 nga armas uban ang usa ka magazine nga adunay unom ka mga buhing bala. Pabilin pa karon nga gibalhug sa Toril PNP si Elentorio.
