DAVAO CITY – Gipasigarbo sa Bureau of Customs (BOC)-Port of Davao gumikan kay kaniadtong tuig 2021, nindot ang ilang border protection performance human nga nakakumpiska sila ug mga kontrabando nga adunay kantidad nga P38.86 million, diin mas ubos kini kaniadtong 2020 nga anaa sa kinatibuk-ang P385.92 million ang kantidad sa mga kontrabando ang ilang narekober.
Sumala pa kang Port of Davao District Collector Atty. Erastus Sandino B. Austria nga pipila sa mga sagad nila nga mababagan ang gilangkuban sa mga peke nga sigarilyo, “ukay-ukay”, agricultural products, general merchandise ug daghanan pa.
Kinatibuk-ang P41,909,836.50 nga kantidad sa mga commodities ang ilang mga na-condemned sa tuig 2021 diin pinakataas niini ang gikan sa agricultural products nga adunay kantidad nga P22,858,215.
Samtang ang uban nga mga produkto ang anaa sa P1,950,000 ang kantidad ang gilangkuban sa styrofoam boxes, glass bottle caps nga adunay sealing machines, plastic bags, ug expired medical goods.
Gitataw ni Austria nga nagmalampuson kini gumikan sa mga teknolohiya ingon man intelligence measures nga nakighiusa sa paggukod sa mga planong ipayuhot nga kontrabando kini aron nga ma-protektahan ang local market, secure government resources, ug protektahan ang revenues.
Dugang pa sa opisyal nga target karon sa BOC-Port of Davao ang P40 billion collection alang sa 2022 human nga nalabwan ang ilang annual target sa milabay nga tuig.
Gikanayong ang mga top countries of origin sa mga gidala nga produkto paingon dinhi sa dakbayan ang gilangkuban sa China, Indonesia, Vietnam, South Korea, Singapore, United States, Japan, Malaysia, Papua New Guinea, Thailand ug daghanan pa.
