DAVAO CITY – Nakig-alayon na ang NBI Tagum District Office ug Bureau of Customs – Port of Davao aron pagatutukan ang mga nagpahinabong love scams.
Sa nahimong pakigpulong nila NBI Tagum Chief Reynaldo Villordon ug BOC-Davao District Collector Erastus Sandino Austria, gikasabutang manguna ang BOC sa pagpahigayon ug information dissimination.
Kana mahitungod sa mga nagataas nga kaso sa love scams nga usa ka klasesa pagpanlimbong nga makapamiktima sa matag online users pinaagi sa pakig-amigo kanila.
Sa dihang makasuod nila kini, ilaang dani-on ang mga biktima pinaagi sa pagbayad ug dagko nga kantidad baylo sa mga package nga gisaad kanila.
Nag-awhag sab si Austria nga kon ugaling makasinati sila sa susamang istilo, ireport dayon kini sa mga otoridad.
Sumala sa BOC-Davao, lapas 100 na ang nadawat nga mga reklamo sa buhatan tungod sa love scams.
via || Bombo LJ Florendo
