DAVAO CITY – Gipabuhagay ni Bureau of Customs Davao District Collector, Atty. Erastus Sandino B. Austria ang mga pagtulun-an mahitungod sa pagproseso sa Customs Clearance atol sa gipahigayong 24th Davao AgriTrade Expo sa miaging bulan.
Tumong sa maong programa ang pag-edukar ug pag-awhag sa tanang micro, small, and medium enterprises kon MSMEs nga ipasundayag sa ilang mga produkto sa pangkalibutanong merkado.
Gihatagan ug diin sa maong pakighinabi ang mga proseso sa pag-import ug pag-export sa mga produkto; lakip na ang accreditation; pag-proseso sa mga rekisitos, permits, mga insentibo; ug mga pribliehiyo ilawom sa tax exemption na angayng masayran sa mga negosyante.
Nag-awhag sab si Atty. Austria ang BOC Cares Portal System nga mamahimo nilang gamiton sa pagpasa ug import ug export documents online, subay na sab sa digitalization sa buhatan.
Gisalmutan ang Davao AgriTrade Expo 2022 sa mga lokal ug international nga mga exhibitors nga nagtumong sa pagbansay sa pagpamaligya sa ilang mga agricultural products and services pinaagi sa business matching, digital marketing, ug agri-conferences.
via || Bombo LJ Florendo
