DAVAO CITY – Nangandam na sab karon ang Bureau of Jail Management ang Penology (BJMP) alang sa ipahigayon nga pagbakuna sa mga senior citizen nga peneriso.
Sumala pa kang Jail Capt. Edo Lobenia, BJMP spokesperson nga naghulat pa gihapon sila sa available nga bakuna aron nga mabakunahan na sab ang mag tigulang nga anaa sulod sa presohan.
Sa kasamtangan padayon sumala pa sila nga nakiglambigit sa mga personahe sa City Health Office (CHO) aron nga dali na lamang kanila ang pagpangandam sa higayon nga moabot na ang supply niini nga itagana sa ilang pasilidad.
Hinuon aduna na matud pay mga tigulang nga peneriso sa Davao del Sur ang nasugdan na sab karon pagbakuna.
Samtang malipayon nga gipahibalo sa opisyal nga wala na matud pay natakdan karon ug Covid-19 sulod sa pasilidad gumikan sa hugtanon nga health protocols nga ilang gipatuman kini aron nga mapugngan ang pagsulod sa kagaw.
Kung ipatuman na ang vaccination sulod sa BJMP posibleng ang mga personahe na sa CHO ang moadto ug aduna silay kaugalingon nga site diin himuon ang pagbakuna sa mga tigulang nga peneriso.
