Biyahe sa Air Asia sa Davao gisuspende

DAVAO CITY – Gisuspende sa Air Asia ang direct flight niini gikan sa Kuala Lumpur, Malaysia pasulod dinhi sa dakbayan sa Davao.

Sumala sa Air Asia commercial reasons ang hinongdan sa suspension sa direct flight nga mamahimo nga epektibo karong Augsto 21.

Sumala sab ni City Tourism Officer Generose Tecson gumikan sab kini sa kakulangon sa load factor.

Masaligon si Tecson nga mabalik ang direct flight bisan ka usa lamang matag semana.

Sa kasamtangan nga daw lugi ang nahisgutan nga kompanya gumikan sa kahinay sa nahisgutan nga rota.