Biyahe Davao-Manila ilusad na

DAVAO CITY – Muabot sa Php 3,860 ang pamasahe matag  biyahe sa bus gikan Parañaque Integrated Terminal Exchange (PITX) padulong diri sa Davao City Integrated Terminal.

Lakip sa nahisgutang pamasahe ang duha ka RoRo fee sa Matnog Port ug Surigao Port.

Mulungtad kuno ngadto sa tulo ka adlaw ug duha ka gabii ang maong biyahe paingon Davao padulong Manila.

Gilauman usab nga sa umaabot nga Hunyo 20, ilusad ang byahe gikan sa Ecolad Terminal, Davao city padulong usab sa PITX sa Paranaque city.

Mamahimong magpabook og ticket sa Ticket Booth 3, PITX Second floor, o mu-contact sa ilang numero nga 09391351349.