DAVAO CITY – Mipahibawo ang Davao City Health Office (CHO) nga magsugod na ang rollout sa bivalent Covid-19 vaccine sugod karong adlawa, adlawng Biyernes, Hunyo 30.
Unang mahatagan og bakuna sa mga indibidwal nga nakadawat sa ilang ikaduhang booster shot sa miaging upat ka bulan ug pataas, lakip ang mga health workers, 18 anyos pataas, ug mga senior citizens.
Naka-schedule na ang pagbakuna sa People’s Park gikan sa Lunes hangtod Biyernes, alas 8 sa buntag hangtod sa alas 3 sa hapon, samtang mahitabo lamang matag Biyernes ang rollout sa mga District Health Offices.
Ang bivalent nga bakuna naglangkob sa duha ka mga benepisyo: mao ang pag-target sa orihinal nga strain sa virus alang sa halapad nga proteksyon; ug pag-target sa variant sa omicron alang sa dugang nga proteksyon batok sa Covid-19.
Prayoridad nga mahatagan og una ang mga vulnerable sectors nga nag-edad og 18 pataas, lakip ang mga healthcare workers, senior citizens, ug mga tawo nga adunay komorbididad.
