DAVAO CITY – Gipahibalo ni Ruben Abaro Jr., OIC regional director sa Philippine Statistics Authority (PSA) 11 ngadto sa publiko nga mamahimo niini nga i-proseso ang ilang birth certificate ug uban pa nga mga dokumento.
Gipasabot sa nahisgutan nga mas komportable ang maong proseso gumikan kay dili na malisdan ang mga mokuha sa susama nga dokumento tungod kay dili na kinahanglan pa nga molinya ug taas o personal nga moadto sa buhatan sa PSA nga nahimutang sa Cabaguio ning dakbayan.
Gani mamahimo sab sumala pa nga ipahatud ang mga gikuha nga dokumento ngadto sa panimalay human ang pagbayad niini sa mga payment center o sa bangko.
Gitataw sab ni Abaro nga tumong sa nahisgutan nga pamaagi nga dili na magdasok ang mga tawo sa ilang buhatan aron lamang mokuha ug birth certificate ug uban pang mga dokumento.
