Giaprobahan sa Bureau of Internal Revenue ang Joint Memorandum Circular nga tumong sa pagpadaghan sa mga pamuhunan sa nasud.
Sa gipagawas nga pamahayag sa bureau, ila kining gihimo ug plano nila nga palig-unon pa kini aron makadani ug dugang lokal ug langyaw nga mga investors sa Pilipinas.
Busa, giingong ilang pauswagon ang kasayon sa pagnegosyo sa nasud aron madasig ang mga negosyante ug mga investor.
Dugang pa nga gipaambit sa Bureau of Internal Revenue nga makab-ot nila kini pinaagi sa aktibong partisipasyon sa Investment Facilitation Network (INFA-NET) nga naglakip sa 36 ka ahensya sa gobyerno.
Tungod niini, gimando ni Bureau of Internal Revenue Commissioner Romeo D. Lumagui Jr. ang tanang buhatan sa bureau nga unahon ang pagtabang ilabina ang mga local ug foreign investors.
Matod niya nga ang Bureau of Internal Revenue padayong mohimo og mga lakang aron makadani og daghang investors tungod kay iyang gipasabot nga kabahin kini sa gitawag nga nation-building.
Diin ang kooperasyon sa publiko ug pribadong sektor sa katilingban sa nasud ang giila og gitan-aw nga bililhon.
