Andam matud pa ang Bureau of Internal Revenue nga imbestigahan ang negosyo sa business tycoon nga si Charlie ‘Atong’ Ang aron masayran og nagabayad ba kini og buhis.
Sumala kang Commissioner Romeo Lumagui Jr., andam matud pa ang nahisgutang ahensiya nga tukion ang mga negosyo ni Ang aron lamang masiguro nga dili kini ‘tax evader’ ang nahisgutang negosyante.
Dugang pa niini nga tanan matud pa nga negosyong dunay kalambigitan sa online gambling ginatuki sa ilang buhatan ilabi na og nakadawat ilang opisina og impormasyon labot sa dili pagbayad og saktong buhis.
Ang maong pahayag gibutyag ni Lumagui atol sa gipahigayong press conference sa BIR ug DOJ subay sa pagduso og reklamo abtok sa 23 ka mga korporasyon nga pakyas makabayad og buhis kon ‘tax evasion’.
Kahinumdumang nalambigit ang ngan ni Ang sa usa sa ginatuohang suspek sa pagkawala sa mga sabungeros ug gipalabay sa Taal Lake subay sa pamahayag sa whistle-blower ug suspek na karon nga si Julie Patindongan kon alyas Dondon.
