DAVAO CITY – Gipangkompiska sa mga ginsakpan sa Department of Environment and Natural Resources (DENR) ang mga binuhing langgam sa usa sa mga residente sa Bolton Isla, Barangay 76-A, Bucana, ning dakbayan sa Davao.
Iya sa usa ka Delfin Rodriguez Manreal ang mga nakompiska nga mga love birds ug hanging parrots nga sumala pa niya napalit niya sa pet shop.
Nanghimakak si Manreal nga namaligya kini ug langgam apan dili kombensido niini ang taga-DENR.
Sumala pa kang Demie Maga, hepe sa surveillance and intelligence section nga hugtanon nga gidili ang pagpamaligya ug mga langgam subay sa Republic Act 9147 o Wildlife Resources Conservation ang Protection Act.
Pasidaan sa DENR nga mag-atubang ug daku nga multa ug pagka-preso ang masakpan nga makasupak sa nahisgutan nga balaod.
Pahimangno sa DENR ngadto sa mga mamalit ug mga langgam sa mga petshop nga segurohon nga legal ang operasyon sa nahisgutan nga petshop pinaagi sa pag-issue ug resibo.
