Nakatala og bag-ong all-time low ang bili sa Peso batok sa US dollar.
Subay gipaguwang peso-dollar exhange rate sa Bankers Association of the Philippines (BAP), nisira ang trading nga ang usa ka dolyar tugbang na og P59.50.
Nalabwan niini ang natala nga pagkunhod sa piso niadtong Enero 15 nga miabot sa P59.46 matag dolyar.
Sa wala pa nahitabo ang pag-atake sa Estados Unidos ug Israel batok sa Iran, medyo nakabawi pa ang piso ug miabot pa kini sa P57.51 niadtong Pebrero 25.
Tungod niini, mahimong mas lisod na ang pagpalit og lana kung mosaka pa ang presyo niini, ilabi na kay dolyar ang basehan sa presyo sa lana sa merkado sa kalibutan.
Kahinumduman nga una nang gipahayag ni Pangulong Ferdinand Marcos Jr. nga dili niya gustong moabot ang peso sa P60 matag dolyar.
