-- ADVERTISEMENT --
DAVAO CITY – Gibutyag sa Police Regional Office XI Public Information Office, nga nag-unang tulo ka mga biktima sa rape nag-edad sa 11-17 anyos (88 kaso), 18-25 anyos (19 ka kaso) ug 6-10 anyos (7) diin sa maong ihap, 34 niini ang rape, 18 ang incestitios, 76 ang statutory.
Dugang pa niana, giklaro usab sa buhatan nga sa unang halos upat ka bulan sa tuig 2023, nakatala ang Davao Region og 128 ka mga kaso sa maong insidente diin, mas ubos sa natalang 172 ka kaso sa samang period niadtong 2022.
Ning kasamtangan, ang Davao City nakatala sa labing daghan nga 35 kabuok, 32 sa Davao del Norte, 26 sa Davao del Sur, 18 sa Davao de Oro, 11 sa Davao Oriental ug 6 sa Davao Occidental. Gikan sa nalistang kasong, 127 o 99.22% ang gikonsiderang cleared.
