DAVAO CITY – Gisaysay ni Virginia Malusay Leguid, 72 residente sa Los Amigos Tugbok ning dakbayan sa Davao ang nahitabo dihang usa siya sa giti-onan ug armas sa hubog nga Pulis nga si SPO1 Briones nga nadestino sa Baguio Police Station.
Matud pa kang Virginia nga nahinanok na siya ug katulog dihang kalit sumala pa nga nanghasi ang nahisgutang police officer ug kalit nga giti-on kaniya ang dala niining 9mm caliber pistol (Taurus).
Nagpakiluoy sumala pa si Nanay Viginia kay SPO1 Briones ilabi na nga wala sumala pa siyay gihimo nga dautan hinungdan nga mihawa gilayon ang maong pulis.
Dugang sa nahisgutan nga hangtud karon mibati pa gihapon siya ug nerbiyos matag iyang mahinumduman ang nahisgutan nga insidente ilabi na nga unang higayon sumala pa siya nakasinate nga giti-onan ug armas.
Gikanayong atol sa insidente, nagdinaganay sumala pa ang iyang mga apo tungod sa kahadlok ug sila lamang sa iyang anak ang nahibilin hinungdan nga iyang gi-uyon-uyunan ang hubog nga pulis hangtud nga kalit na lamang kini nga mibiya.
