DAVAO CITY – Nanawagan karon ang kapulisan sa Tagum City sa mga nabiktima sa mga scammers nga makig-alayon lamang ngadto kanila aron nga mahatagan nila kini ug hinanali nga aksiyon.
Kahinumduman nga anaa sa 19 ka mga indibidwal ang gisikop nga gikanayong mga miyembro sumala pa sa kingdom of Gospel.
Sumala pa kang PMaj Joselito Tan Jr. hepe sa Tagum PNP, nga nangolekta sumala pa ug kuwarta ang mga nahisgutan sa ilang mga miyembro nga magsilbing processing fee gikan sa mga sakop sa KAPA-Community Ministry International ug gisaaran ang mga nahisgutan nga mabalik kanila ang kuwarta nga gidonar nila sa KAPA.
Sa nahisgutan nga operasyon, anaa sa tulo ka mga indibidwal ang gipangsikop human nga mibabag kini sa otoridad ug naghupot pa ug dili lisensiyado nga armas.
Kahinumduman nga naghitak kaniadto ang mga nagkadaiyang investment scam sa Tagum hinungdan nga gipahimangnoan sa otoridad ang katawhan sa lugar nga dili magpa-ilad ug ipahibalo gilayon kini ngadto sa otoridad.
