DAVAO CITY – Gipahibalo ni Department of Health Assistant Secretary Abdullah Dumama nga nagpagula na ug resolusyon ang DOH executive committee nga magtugot sa bidding sa anti-rabies vaccines bisan nga walay World Health Organization (WHO) certification.
Matud pa kang Dumama nga usa sa mga hinungdan sa kakulangon niini mao bidding sa medisina nga walay mapakitang WHO certification. Apan daghanan sumala pa ug suppliers gikan sa uban nga mga nasud ang wala na nanginahanglan ug WHO certification.
Gipasalig sab niini nga sa bulan sa Agosto mamahimong normal na ang distribution sa bakuna.Sa kasamtangan, gigamit na lamang nila ang nahibilin nga buffer supply alang sa rehiyon.
Samtang gitino sab ni Dumama nga subay sa resolusyon sa Execom, ang mga mo-avail sa anti-rabies vaccine kinahanglan nga mopailalom una sa skin test.
