DAVAO CITY – Padayon ang gilusad nga imbestigasyon sa Bureau of Fire Protection (BFP) kung unsa gayud ang sinugdanay sa sunog sa Ramon Magsaysay Avenue nga milungtad sa halos 25 oras ang nahisgutan nga sunog nga naka-ugdaw sa baynte ka mga kabalayan, tulo ka mga establisamento nga totally damage ug lain pang upat ang partially damage lamang sa wala pa hingpit nga napalong.
Unang migula sa mga hugon-hugon nga usa ka hubog ang naglung-ag ug napasagdan sa balay sa Barangay 26-C Lizada, likod lamang sa establisamento apan wala pa makompirma sa kabomberohan.
Gi-angkon ni Fire Inspector Christian Sena nga naglisod sila sa pagpalong sa kalayo gumikan kay wala’y kalutsan ang init ug ang aso sa nasunog nga gambalay nga napuno sa produktong panapton, plastic ug goma.
