DAVAO CITY – Gikanayon sa Bureau of Fisheries and Aquatic Resources (BFAR) nga walay mananagat sa Davao region ang natala nga nagpahigayon ug illegal nga pagpanagat sa giilang foreign waters.
Matud pa kang BFAR XI regional director Fatma Idris nga han-ay na ang information programs aron nga masiguro nga ang mga mananagat sa rehiyon motamud sa mga tukma nga balaud ug sumbanan sa pagpanagat.
Nasayran kang Idris nga natural lamang sa mga mananagat gikan sa commercial ngadto na sa small-scale nga mosulod sa foreign waters gumikan kay buot nila nga makakuha ug maayo nga mga isda apan mamahimo sumala pa nga mabutang ang mga nahisgutan sa risgo.
Tipik lamang ang pahayag sa opisyal human ang gihimong pagpabusikad sa mga otoridad sa Indonesia sa 81 ka mga 81 foreign vessels niining milabay nga adlaw diin kalakip niini ang mga sakyanang pandagat nga gikan sa Pilipinas ug sa mga kasikbit nga nasud nga susamang nadakpan gumikan sa illegal nga pagpanagat.
Nasayran nga mga mananagat gikan sa Mindanao ang sagad nga madakpan tungod sa illegal fishing.
Gikanayong duruha ka tuig na ang milabay, 52 ka mga mananagat kalakip na ang mga minor de edad ang gipapauli gikan sa Indonesia gumikan sa gihimong illegal fishing sa mga nahisgutan sa kadagatan nga sakop sa teritoryo.
