DAVAO CITY – Giklaro sa Bureau of Fisheries and Aquatic Resources – Davao Region nga paigo pa ang fish production sa rehiyon bisan pa man adunay fishing ban matag tuig sa mga gagmay nga isda sa Davao Gulf sugod sa Hunyo hangtud Agosto.
Matud pa ni Raul Millena, Bfar-Davao regional director, nga ang matag tuig nga ban una ng gipatuman kaniadtong 2014 diin hugtanon nga gidili ang paggamit fishing gears sama sa bagnets, fishnets, ug uban pang susama nga gamit sa panagat sulod sa tulo ka bulan sugod Hunyo hangtud Agosto matag tuig.
Dugang butyag pa sa regional director nga ang kasamtangan nga hatcheries ug pipila ka mga mari-cultures pwede maka-back up sa fish production sa rehiyon gikan sa 14 hatcheries ug anaa sa 3,000 ka mga fish cages. Ning kasamtangan, ang Davao Region, naga-import lamang og 1.5 ngadto na sa 2 percent sa ilang total production.
