DAVAO CITY – Mipahimangno ang ahensiya sa bureau of fisheries and aquatic resources (BFAR) 11 ngadto sa mga residente ug mananagat sa Mati City nga delikado pa gihapon ang pagkaon ug shellfish nga makuha sa Balite bay sa nahisgutan nga lalawigan gumikan kay kontaminado pa gihapon kini ug red tide.
Hinuon gitino sa ahensiya nga mamahimo pa gihapon nga mokaon ug isda nga gikan sa nahisgutan nga baybayon apan kinahanglan nga hugasan ug lutuon kini pag-ayo aron nga dili mabutang sa risgo ang panglawas.
Una ng nasayran nga gawas sa Balite Bay, delikado sab sa redtide ang mga kinhason, alamang ug pipila ka mga yamang dagat sa Liangga Bay sa Surigao.
Una na sab nga gibutyag ni Sajeda Canabas, Agriculturist 1-BFAR 11 nga sukad pa sa bulan sa Pebrero dihang nagpagula ang ahensiya ug pahimangno nga ang Balite Bay sa Mati gipailalom sa shellfish ban gumikan sa red tide.
