DAVAO CITY – Gipalig-on pa karon sa Bureau of Fisheries and Aquatic Resources Region (BFAR) 11 ang ilang fisheries monitoring control surveillance (MCS) pinaagi sa regular sea patrol operation sa rehiyon.
Laraw sa MCS nga batukan ang illegal, unreported, ug unregulated fishing (IUUF) ug ma-promotar ang sustainable fisheries. Ang pahayag sa BFAR tipik lamang sa joint sea patrol operation sa Philippine Coastguard, PNP Maritime Group ug pipila ka mga ahensiya aron nga batukan ang illegal fishing activities sa commercial fishing boats sulod sa municipal waters.
Ilalom sa Republic Act 10654, p ang Amended Fisheries Code, ang municipal waters mao ang areas nga sakop sa 15 kilometers gikan sa coastline, kalakip na ang offshore islands.
Sa gipagulang kamandoan karon sa BFAR, bugtong ang mga bangka nga motimbang ug 3.1 gross tons nga migamit ug mga non-destructive, passive gears sama sa gill nets ang gitugtan lamang sa sulod sa mga municipal waters.
Sumala pa kang BFAR 11 Provincial Fishery Officer Jefferson Montera nga dili lamang limitado sa operasyon palibot sa Davao Gulf, apan kalakip na kadtong fishing vessels nga nag-operate sa Davao Gulf ug mitabok sa Pujada Bay ug Mayo Bay sa Mati City,Davao Oriental.
Kahinumduman nga nagpadayon sab karon ang gipahigayon nga monitoring sa BFAR-11 sa Davao gulf ilabi na nga nagpadayon karon ang gipatuman nga closed fishing season sa Davao Gulf nga molungtad hangtud sa bulan sa Agosto ning kasamtangan nga tuig.
